Geseënde Kersfees voorwaar!

Op die lughawe:
Moet ek my nou aan hierdie Oupa en Ouma steur, of nie?


Ag,ek sal maar Ouma se ou koffertjie aansleep kar toe...


Toemaar Boetie, ek sal jou help met die sware ding.


Ag, wanneer kan ons dan tog begin presente oopmaak...?


Miskien sal niemand my sien as ek stilletjies probeer nie...


Ek het my “Toopeman”-kar gekry, so…weg wêreld.


Ag, presente is eens te wonderlik.


Nou moet ek eers “pose” in my presentrok – Ouma se roosknoppie!




Laat sussie maar “pose” – dit gee my kans om koekies te gaps.


Die volgende dag se sneeutog.


Dromertjie by die veryste meer.


Hoe kom ons tog oor die gevaarlike water?


Kakao en koekies is die beloning vir harde werk!


Maar ek is weg voor teen my oom se skouer.


Die oggend wat Ouma-hulle moet weggaan, vra ek vir Mamma: "Kan ons nie asseblief bid dat die Here gou-gou weer vir Oupa en Ouma sal terugbring nie?"

Nuwejaar, hier kom ek!

Kersfees in Kanada

Hoe wonderlik tog vir ‘n kinter om wakker te word en te onthou dis Kersoggend!

Vanjaar is ons so bevoorreg om twee keer Kersfees te mag vier. Die afgelope naweek met amper die helfte van die krose en op Kersdag vlieg ons so die Here wil, Toronto toe vir’n viering saam met die amper ander helfte. Een van die Toronto-kabouters kan glo skaars wag vir “Ouma wat by die bjêrrge bly” om te land.

Ouma is natuurlik net so opgewonde en Oupa skud net sy kop vir die ekstra koffer, dis nou die ene met al die presente. Maar almal weet tog dis waarvoor oumas daar is, vir die lekkerte en die blymaak van kinderhartjies. (Oupas ook, hulle wys dit maar net op ‘n anderster manier).



Ouma vertrou net dat die weer sal saamspeel vir die vlieëry-dinge. Op die oomblik lyk dit nie belowend nie: Kanada kan na verwagting vir die eerste keer in 37 jaar weer ‘n Kerssneeukombers oor die hele land ervaar! Erge storms het pas openbare vervoer op plekke lamgelê, tienduisende van huishoudings sonder elktrisiteit gelaat, en nog slegte weer word voorspel.

In die noordweste het die termometer -45C gemeet! Mense, kan ons ons dit voorstel?! Snaaks genoeg het die ding nie die gees gegaf nie, maar hierdie ouma is nie so seker dat dieselfde van haar gesê sal kan word as sy in daardie koue moet beland nie.

Ek groet julle dus tot solank lewe iewers vroeg in die nuwe jaar – moet hardloop om ‘n ekstra ou truitjie te gaan inpak en daai koffer te probeer toerits!

Krip en Kruis

‘n Allerliefste naby-niggie van my gaan deur ‘n tragiese egskeiding waar die feite van die saak 'n goed geskrewe storie soos 'n kinderverhaal sal laat klink. Daarom so bitter om te verwerk (seer sekerlik is daar min egskeidings wat nie bitter swaar deerleef word nie…)

Kry gister ‘n klein ou briefie van haar af..."Weet self nie of ek al kan fluister of loop of kruip of lê of 'n rukkie regop kan staan nie"...en waar spat die bitterlike trane toe ek dit lees en loop ek die hele dag tussendeur en tjank. Sommer oor alles en almal in hierdie saak en die lewe en die seer en die vervallenheid en die gemors rondom ons.

En dit, terwyl ek besig is met blinkers en blakers en kerse en rooi kouse. En so tussen die weemoed deur is ek sooo oorstelp: Dankie Here Jesus, dat U gekom het om alles te kom heelmaak wat stukkend gebreek het van reeds die begin af; en nie net eendag nie, maar nou reeds kan ons na U toe vlug vir troos en genade en heelword in die storms van die lewe.

Ek loof U wonderbare Naam.

Kerswense uit die hart

So kom die herdenking van ons Verlosser se geboorte, die einde van die oujaar en die aanbreek van die nuwe ene nou vinnig nader. Net vir geval my blogvriende binnekort vir die vakansiedae vertrek, wil ek ‘n hartwarm dankie laat hoor vir die geselsies en kuiertjies waarmee julle my bestaan verryk het die afgelope paar maande – weet dat dit sooo baie beteken.

Mag die feestyd vir elkeen van julle 'n tyd van nuwe belewenis van die Vader se liefde, in Christus Jesus wees. Mag jul wandel met Hom in die nuwe jaar telkens nuut gemaak word deur die werk van die Heilige Gees.

Vriendskapsgroete
mariki