Grrr…..
En ja, ek weet “verpes” is ‘n sterk woord, en normaalweg probeer ek daardie soort aksie vermy, maar “normaalweg” is nie altyd van toepassing op die verhouding wat daar tussen my en hierdie masjien bestaan nie.
Inderwaarheid is dit hy wat my dryf tot REaksie = abnormaliteit = verpes (in hierdie geval).
Nou dat ek daaraan dink…. Ek kry mos nou al ‘n vermoede, gesien al die streke en geite van ou glasgesig, dat ek hier met ‘n wyfie-neukenaar te doene het (maar DIT, sal Vennoot oor MY lippe nooit hoor nie.)
Maar die ding wil hom….haar, net nie laat beheer nie. Nog altyd netjies saamgespeel, en toe, van so twee-drie possies gelede af, sukkel ek myself simpel met prentjies oplaai, en ook gooi sy ewe omgeêllie my paragrawe rond of sluk spasies in soos dit haar hoogheid behaag.
(Verskoon dus groot asseblief die nuwe, swak blogversorging wat ek -- magteloos -- in my skryfsels openbaar.)
Soms verpes ek my neukenaar….of verpes sy my dalk?
12 comments:
Aanhouer wen vriendin!
Ek voel die afgelope tyd soos jou neukenaar...
Aggenee, jong! Sal kom inloer.
Don't I know that feeling.
C
Ja-nee Mariki, ons beter nie ons mans laat hoor waarom rekenaars sulke nukke het nie!
Maar nog nooit!!
Ek is bly ek is nie jou neukenaar nie,ek dink ek is eerder aan die veilige kant om jou maatjie te wees!! Ek sukkel met hierdie stuk blik van my ook...miskien moet ek hom ook so herangskik soos joue...hahahah!!
Ek kan ook nogal daarmee identifiseer maar by my is dit weer netwerke en VISTA... koop \n nuwe een Mariki...is my raad
Ai, ou Sonjatjie, maar ná die herrangskik gaan ons NIKS hê nie, en hoe gesels ons DAN met mekaar?!
Dan maar liewer sukkel.
Sou graag wou, Charmaine, maar nou moet ek die tering na die nering sit, vriendin!
Ek wag egter vir Kersfeestyd wanneer daai Selfoonseunskind kom kuier, hy kan toor met hierdie neukmasjiene. Genadiglik.
As mens net altyd weet wat om te doen as die goed begin lol. Hoop jou neukenaar en jy kan uithou tot Kersfees.
Dit sal baie baie erg wees as ons nie kan gesels nie!! My selfoon is Vrydag uit my handsak gesteel en ek is juis nou vreeslik afgesny van my onmiddelike buitewereld...
Jip, die uithou is maar altyd die ding, Thea. Dankie.
Sonja -- aggenee tog!!! Dis waarlik so sleg, Ek is jammer, vriendin.
Sterkte.
Post a Comment